Dimensioneco

Mi priskribas la korpon, intelekton, energion, animon. En iuj religioj la korpo estas dividata en tri partojn. En iuj religioj la korpo estas dividata en kvin partojn. En iuj religioj en alian nombron da partoj. Iuj diras, ke en la korpo estas 7 ĉakroj. Iuj diras, ke en la korpo estas 108 ĉakroj. Iuj diras, ke ĉakroj estas dekoj da miloj.

Rigardu mezurbendon. Sur ĝi estas skribite 1, 2, 3. Tio signifas, ke la mezurbendo permesas mezuri tri metrojn. Sed se oni mezuras la longon per centimetroj, tiam la mezurbendo permesas mezuri 300 centimetrojn. Kaj se la saman distancon oni mezuras per milimetroj, tio estos 3000 milimetroj. Sed longon oni povas mezuri ankaŭ per coloj, kaj longo de tri metroj estas proksimume 118 coloj. Nun rigardu la mezurbendon ankoraŭ unufoje. Sciante pri metroj kaj coloj, ni vidas metrojn kaj colojn, ne la longon mem. Mi skribis, ke necesas rezigni pri nomoj por serĉi la veron.

Same estas kun homo aŭ alia estaĵo. Estaĵo estis dividita en dimensionojn en diversaj konfesioj kaj kredsistemoj, kaj nun ĉiuj disputas, kies dimensioneco estas ĝusta. Sed estaĵo ne estas dimensioneco.

Tial ĉiufoje, kiam mi skribas korpo, energio, animo, ne serĉu konkretajn ciferojn kaj konkretajn dividojn. Dividoj ekzistas en granda nombro. La nombrado kaj difino de konkreta kvanto ne havas sencon.